Hewlêr (Rûdaw) — Fermandarê Giştî yê HSDyê Mezlûm Ebdî ziyareta Serokê Herêma Kurdistanê Nêçîrvan Barzanî wekî rûdaneke «dîrokî» bi nav kir û kêfxweşiya xwe anî zimên. Fermandarê Giştî yê Hêzên Sûriyeya Demokratîk (HSD) Mezlûm Ebdî li ser ziyareta Serokê Herêma Kurdistanê Nêçîrvan Barzanî ya Sûriyeyê li ser hesabê xwe yê Xê daxuyaniyek da. Mezlûm Ebdî di peyama xwe de hestên xwe wiha îfade kirin: «Ziyareta dîrokî ya Serokê Herêma Kurdistanê Nêçîrvan Barzanî ya Sûriyeyê, cihê kêfxweşiyeke mezin e.» «Kak Nêçîrvan her tim rola xwe lîstiye» Mezlûm Ebdî di daxuyaniya xwe de bal kişand ser girîngiya helwestên Serokê Herêma Kurdistanê. Wî qala rola Nêçîrvan Barzanî ya ji bo Kurdan kir û got: «Kak Nêçîrvan her tim di piştgiriya doza Kurdan a li Sûriyeyê û bi giştî li Kurdistanê de, roleke girîng lîstiye.» Bandora li ser aramiya Sûriyeyê Mezlûm Ebdî di dawiya peyama xwe de baweriya xwe ya bi encamên erênî yên vê hevdîtinê diyar kir. Fermandarê HSDyê da zanîn ku ew ji vê gavê bi hêvî ne û axaftina xwe wiha qedand: «Em bawer in ku dê ev serdan bandoreke erênî li aramiya Sûriyeyê û çareserkirina doza Kurdan a li herêmê bike.»
Курдистан
Serokê Herêma Kurdistanê Nêçîrvan Barzanî li Şamê bi serokkomarê Sûryayê Ahmed Şer re civîyaye. Nêçîrvan Barzanî piştî...
Serokwezîrê Herêma Kurdistanê Mesrûr Barzanî di salvegera 12 a ya jênosîda Şengalê de ragihandîye ku piştî 12...
Serok Mesûd Barzanî bi hatina cejina çilê havînê peyamek belav kirîye û cejin li kurdên êzîdî pîroz...
Berpirsyarê sereke yê rojnama «Rya teze», rêzdar Tîtalê Keremê Seyad! Şabûneke gelekî mezine, ku van dawîyan...
Hinek ji malbatên gundê Basilê yê Efrînê îro vegeriyan gundê xwe. Çavkaniyeke taybet a ji Basilê ji Rûdawê re got ku îro bêhtirî 100 malbatî vegeriyane gund. Çavkaniya ku hinek wêneyên nav gund jî ji Rûdawê re şandine, diyar kir ku hêzên Tirkiyeyê doh êvarê bi tevahî ji baregeha xwe ya leşkerî ya li nav gund vekişiyane. Piştî vê vekişînê rê li ber gundiyan hatiye vekirin da ku vegerin malên xwe. Ji sala 2018an ve baregeheke leşkerî ya hêzên Tirkiyeyê li nav gund hebû û vegera şêniyên gund bi tevahî hatibû qedexekirin. Di heman demê de, Ehmed Şêxoyê ji gundê Şêxûrza Jorîn doh Rûdawê re gotibû ku hêzên Tirkiyeyê gundî agahdar kirine ku ew dê ji gundê Şêxûrzê vekişin û şêniyên Şêxûrza Jorîn êdî dê karibin vegerin malên xwe. Ji bilî gundên Şêxûrza Jorîn û Basilê, vegera niştecihên gundên Cilbirê, Gobilê, Dêrwîş û Gundê Çiyê jî ji ber hebûna baregehên leşkerî yên Tirkiyeyê hatibû qedexekirin.
Dewleta Îtalyayê bi merasîmeke fermî li Hewlêrê, xelata xwe ya fermî ya here bilind raberî serokê Herêma...
Serperiştiyarê Giştî yê Revenda Kurdistanî li Baregeha Barzanî, Şifa Barzanî, bi helkefta destpêkirina malpera fermî ya rojname...
Malpera Federasyona Futbolê ya Cîhanê (FIFA), pesnê Şêrê Kurdan Denîz Undavê stêrkê Tîma Neteweyî ya Almanyayê da. Malpera Federasyona Futbolê ya Cîhanê (FIFA) li ser malpera xwe ya fermî raporek li ser Denîz Undav belav kir. FIFAyê di raporê de got: «Undav yedekekî super e. Wî tiştek ji Almanyayê re aniye ku di Kupayên Cîhanê yên 2018 û 2022yan de nebû û di qonaxa yekem de hatin derxistin. Niha pirsa hemûyan ew e, gelo Undav dê wan neçar bike ku di maça sêyem de wekî lîstikvanê sereke bilîze yan Nagelsmann dê wî her li ser kursiyê yêdekan deyne.» FIFAyê destnîşan kir ku gelek sedem hene ji bo ku Undav hêjayî pêkhateya sereke be û li pey çû: «Avêtina 3 golan a di 2 maçên Kupaya Cîhanê de û avêtina 9 golan a di 11 maçan de ji bo Almanyayê beşek ji wan sedeman in lê sedemeke bihêz jî heye ji bo ku dîsa wekî yedek dest pê bike. Nagelsmann her tim tekez dike ku wî ‘roleke diyarkirî’ ji bo hemû lîstikvanên xwe daniye. Undav jî gelekî baş di rola yedekê bibandor de cih girtiye.» «Kurê dê û bavekî Kurd e» Malpera FIFAyê diyar kir, «Undav kurê dayîk û bavekî Kurd e» û ev agahî dan: «Sezona borî di 46 maçên fermî de ji bo Stuttgartê 25 gol avêtin û 14 asîst kirin. Destkeftiya wî ya herî mezin a bi wê tîmê re, birina Kupaya Almanyayê ya 2025an bû.» Federasyona Futbolê ya Cîhanê anî ziman: «Dibe ku hîn dem mabe ji bo ku Undav ahenga serkeftinê di şampiyoniyeke mezintir de bigerîne. Ew 19ê Tîrmehê ku tam roja maça fînalê ya Kupaya Cîhanê ye dibe 30 salî. Çi diyarî ji wê baştir dibe ku navê xwe li stadyuma New York New Jerseyê ji devê alîgirên Almanyayê bibihîse?»...
Serokê Herêma Kurdistanê Nêçîrvan Barzanî û Fermandarê Giştî yê Hêzên Sûriyeya Demokratîk (HSD) Mezlûm Ebdî civiyan. Serokatiya Herêma Kurdistanê li ser hevdîtina Nêçîrvan Barzanî û Mezlûm Ebdî daxuyaniyek da. Li gorî daxuyaniya Serokatiya Herêma Kurdistanê, her du aliyan rewşa Kurdan a li Sûriyeyê gotûbêj kir. Rewşa Kurdan û hevkariya bi Şamê re Di daxuyaniyê de hat ragihandin ku di civînê de bipêşketinên dawî yên siyasî û ewlehiyê yên Sûriye û herêmê hatin nirxandin. Di civînê de her wiha rewşa Kurdan û pêkhateyên din ên li wî welatî hat gotûbêjkirin. Hewldanên ji bo çareserkirina pirsgirêkan û lihevtêgihiştina di navbera aliyên Kurdî de bûn mijarên din ên hevdîtinê. Di heman demê de hevahengî û hevkariya bi Şamê re jî bi berfirehî hatin nirxandin. Tekeziya li ser diyalogê Her du aliyan tekezî li ser girîngiya berdewamiya diyalogê, parastina aramiyê û dabînkirina aştiyê ya li herêmê kir. Li gorî Serokatiya Herêma Kurdistanê, bipêşxistina hevahengiyê û rûbirûbûna metirsiyên terorê ji bo parastina aramiyê, mijarên din a vê civînê bûn.